СИДНЕВ Александр Валентинович (11.1.1937, Һарытау ҡ.), геолог. Геол.‑минералогия ф. д‑ры (1985), проф. (1990). БР‑ҙың атҡ. халыҡ мәғарифы хеҙм‑ре (1997). Һарытау ун‑тын тамамлағандан һуң (1960) Башҡ‑н терр. геол. идаралығының Көнбайыш Башҡ‑н геол. разведка экспедицияһы партияларының нач. һәм баш геологы, 1974 й. алып БДУ‑ла уҡыта, 1982 й. — Геология ин‑тының төп ғилми хеҙм‑ре. 1988 й. башлап ӨДНТУ‑ла (2007 й. тиклем нефть һәм газ ятҡылыҡтарының геологияһы һәм разведкаһы каф. мөдире). Фәнни эшмәкәрлеге төбәк геологияһына, геодинамикаға, палеонтологияға, кайнозойҙың стратиграфияһына арналған. С. ҡатнашлығында Урал алды плиоцен палеоүҙәндәренең моделдәре эшләнә, Көнбайыш Себерҙең, Нигерияның, Йемендең нефтле булыуы өйрәнелә. 80‑дән ашыу фәнни хеҙмәт авторы.

Хеҙм.: История развития гидрографической сети плиоцена в Предуралье. М., 1985; Природа и человек на пороге XXI  века. Уфа, 1998; Фундаментальная геологическая наука и материальные энергетические ресурсы будущего. Уфа, 2001.

Тәрж. Г.М.Ғәлиева

Яндекс.Метрика