СИБӘҒӘТУЛЛИН Нур Ғасим улы (29.11.1953, БАССР‑ҙың Дәүләкән р‑ны Суйынсы а.), кардиохирург. Мед. ф. д‑ры (2001), проф. (2008). БР‑ҙың һаулыҡ һаҡлау отличнигы (2007). БДМИ‑ны тамамлаған (1977). 1978 й. алып Дәүләкән үҙәк район дауаханаһында (1982 й. — бүлек мөдире), 1985—2001 йй. Өфөнөң 6‑сы ҡала дауаханаһында эшләй, бер үк ваҡытта 1990 й. — БДМУ‑ла уҡыта, 2001 й. — Респ. кардиология диспансерында бүлек мөдире. 2008 й. башлап “Татнефть” ААЙ‑ның мед.‑санитария бүлегендә бүлек мөдире (Әлмәт ҡ.). Фәнни эшмәкәрлеге кәрәкле урында ҡулланыу өсөн аутотуҡымалар, антибиотиктарҙың пролонгирланған формаларын файҙаланып биокомпозит материалдар эшләүгә, кардиохирургияла операциянан һуңғы инфекцион өҙлөгөүҙәрҙе иммун иҫкәртеүгә һ.б. арналған. С. ҡатнашлығында аутоперикардиаль трансплантаттың композитлы модификацияһы, хирургияла вакцина препараттарын веналар эсенә индереү ысулы һ.б. эшләнгән. 135‑тән ашыу фәнни хеҙмәт һәм 17 уйлап табыу авторы.

    Хеҙм.: Разработка и применение имплантатов на основе гликозаминогликанов и комплексов метиленового синего в хирургии. Уфа, 2005 (авторҙ.); Инфекционный эндокардит. Уфа, 2006 (авторҙ.). 

Тәрж. Г.Ҡ.Ҡунафина

 

Яндекс.Метрика