СИБАЙ БАЛАЛАР АҘЫҒЫ ҺӨТ-КОНСЕРВА КОМБИНАТЫ, “Сибайконсервмолоко”, балалар аҙығы, киптерелгән һөт һәм сыворотка, натрий казеинаты, аҡ май һ.б. етештереү пр-тиеһы. 1979 й. нигеҙ һалына, 1984 й. сафҡа индерелә, 1985 й. пр-тие составына Сибай май-сыр комб-ты инә (1962 й. нигеҙ һалына); 1994 й. алып ААЙ (2000 й. тиҙ иреүсән һөт һәм балалар аҙығы, 2002 й. – һөтлө һәм һөтһөҙ балалар бутҡалары сығарыу үҙләштерелә), 2008 й. ябыла. Составына май (1984), консерва (1985), айыртылмаған һөт продукцияһы (1988) цехтары инә. 2005 й. 335 кеше эшләгән; 101 т айыртылмаған һөт продукцияһы етештерелә. Продукцияһы БР-ҙа һәм РФ-та һатылған, яҡын сит илдәргә сығарылған. Комб-т продукцияһы (һөтлө һәм һөтһөҙ бутҡалар) “Алтын көҙ” Рәсәй агросәнәғәт күргәҙмәһенең көмөш миҙалына лайыҡ була (Мәскәү, 2003). 2006 й. алып пр-тие терр-яһында “Урал аръяғы продукттары” ЯАЙ урынлаша, ул оҡшаш продукция етештерә.

Тәрж. Г.Ҡ. Ҡунафина

 

 

 

Яндекс.Метрика