САФИНА (Круговых) Наилә Файыҡ ҡыҙы (4.11.1963, Ишембай ҡ.), патофизиолог. Мед. ф. д‑ры (2001). БДМИ‑ны тамамлағандан һуң (1988) Ишембай үҙәк район дауаханаһында, 1994—98 йй. һәм 2001—03 йй. БДМУ‑ла (2001 й. алып биол. каф. мөдире), 1998—99 йй. Респ. кардиология диспансерында эшләй. 2003 й. башлап Медик‑биол. проблемалар ин‑тының төп ғилми хеҙм‑ре (Мәскәү). Фәнни тикшеренеүҙәре экологик факторҙарҙың кеше һаулығына йоғонтоһо мәсьәләләренә арналған. К. озондың ион гомеостазына тәьҫире үҙенсәлектәрен, липидтарҙың перекислы окисланыуын, ҡанда фагоциттарҙың функциональ әүҙемлеген һ.б., тын алыу һәм йөрәк‑ҡан тамырҙары системаһы ағзалары ауырығанда биохимик процестарҙы өйрәнә. К. тарафынан антибиотиктар ҡулланыу һөҙөмтәлелеген баһалау өсөн хемилюминесцент ысул камиллаштырыла. 80‑дән ашыу фәнни хеҙмәт һәм 1 уйлап табыу авторы.

 Х е ҙ м.:  Экология и здоровье. М.; 2002 (авторҙ.).

Тәрж. Г.Ҡ.Ҡунафина  

 

Яндекс.Метрика