САТЫРТАУ, ҡалдыҡ тау, тәбиғәт ҡомартҡыһы (2005). Әлшәй р‑ны Ҡыпсаҡ‑Асҡар а. төньяҡҡа табан 1,5 км алыҫлыҡта Дим й. уң ярында урынлашҡан. Абс. бейеклеге 266 м. Түбәһе яҫы, битләүҙәре текә. Өҫкө пермдеңҡазан ярусы алевролиттарынан, ҡомташтарынан, аргиллиттарынан, мергелдәренән, эзбизташтарынан тора. Ландшафы ҡомташлы далаларҙың респ. һирәк осраған петрофит участкаларынан ғибәрәт. Үҫемлектәрҙең БР‑ҙың Ҡыҙыл китабына индерелгән һирәк төрҙәре үҫә: Гельм астрагалы, ике башаҡлы эфедра, Ипполит ҡыйыҡтажы, ҡая астрагалы, мөсһөҙ етенүлән, селтәрле люцерна, һылыу ҡылған, энәле ҡәнәфер һ.б.

А.Ә.Мулдашев

Тәрж. И.М.Япаров

 

Яндекс.Метрика