СӘЛИМОВ Мөхәмәт Кәрим улы [14.3.1925, БАССР-ҙың Бәләбәй кантоны Елдәр а. (БР-ҙың Миәкә р-ны) – 4.12.2000, Өфө], Соц. Хеҙмәт Геройы (1966). РСФСР-ҙың атҡ. төҙөүсеһе. Б.В. һуғышында ҡатнашыусы. 1947 й. алып Урал ауыр машиналар эшләү з-дында (Свердловск ҡ.), 1947–49 йй. “Ленинуголь” тресының “Комсомолец” шахтаһында (Кемерово өлк.), 1950 й. башлап “Башнефть” берекмәһенең Һатҡы механикалаштырылған урман пунктында (Силәбе өлк.), 1951 й. – Синячихин урман транспорты хужалығында (Свердлов өлк.), 1954 й. алып Сталинск–Абакан т. юл линияһының Көнсығыш өлөшө төҙөлөш идаралығының 38-се механикалаштырылған колоннаһында эшләй. 1955–85 йй. “Уфимтрансстрой” тресы 826-сы төҙөлөш-монтаж поезының балта оҫтаһы. Абакан–Тайшет газ үткәргесен, Ҡарлыман–Белорет–Магнитогорск, Мораптал–Һаҡмар тимер юл участкаларын; торлаҡ, соц.‑мәҙәни һәм көнкүреш тәғәйенләнешле объекттарҙы төҙөүҙә ҡатнаша. Ленин (1966), 2-се дәрәжә Ватан һуғышы (1985) орд. м-н бүләкләнгән.

М.М. Глебова

Тәрж.  Г.Ҡ. Ҡунафина

 

Яндекс.Метрика