ПСӘНЧИН Айбулат Вәли улы (12.2.1967, Өфө), географ. Геогр. ф. д‑ры (2004). В.Ш.Псәнчиндең улы. БДУ‑ны тамамлағандан һуң (1991) шунда уҡ эшләй. 1994 й. алып Этнологик тикшеренеүҙәр үҙәгендә: 1999—2000 йй. ғилми секретарь, 2001—03 йй. өлкән ғилми хеҙм‑р, 2004 й. башлап төп ғилми хеҙм‑р, 2005 й. — баш ғилми хеҙм‑р, бер үк ваҡытта РФА Өфө ФҮ‑нең фәнни эштәр б‑са рәйес урынбаҫары, 2008 й. алып БДУ‑ның физик география, тыуған яҡты өйрәнеү һәм туризм каф. мөдире. Фәнни эшмәкәрлеге ватан этнографияһы тарихы, этник һәм тарихи география, география һәм картография өлкәһендәге тикшеренеүҙәргә бәйле. 100‑ҙән ашыу фәнни хеҙмәт авторы. Рус геогр. йәмғиәтенең Башҡ‑н бүлексәһе рәйесе (2008 й. алып).

Хеҙм.: Башкортостан на старых картах: история географического изучения и картографирования. Уфа, 2001; Очерки истории этнической картографии в России в XVIII—XIX вв. М., 2004; Из истории отечественной этнической картографии (по материалам ИРГО и КИПС). Уфа, 2008.

Тәрж. А.Н.Күсеев

Яндекс.Метрика