“ПРОГРЕСС” Б а ш ҡ о р т о с т а н  п р о и з в о д с т в о  б е р е к м ә һ е, ААЙ. Элемтә аппаратураһы етештерә. Өфөлә урынлашҡан. Составына механик әҙерләү, пластмасса, бағана аппаратураһы һәм жгут яһау (бөтәһе лә 1941 й. нигеҙләнә), инструмент (1943), баҫыу платаһы (1952), йыйыумонтаж (1963) цехтары инә. 2008 й. 840 кеше эшләгән. Продукцияһы БР‑ҙа һәм РФ‑тың башҡа төбәктәрендә һатыла. 1942 й. “Красная Заря” з‑ды (Ленинград) Өфө филиалының алыҫ элемтә цехы базаһында 697‑се Дәүләт союз з‑ды булараҡ ойошторола, 1946 й. алып 210‑сы почта йәшнигенең Дәүләт союз з‑ды, 1966 й. — элемтә аппаратураһы з‑ды, 1982 й. “Рассвет” махсус конструкторлыҡ технология бюроһы (1974) м‑н ҡушылғандан һуң “П.” Башҡ‑н ПБ ойошторола. 1982 й. “П.” СССР‑ҙың 60 йыллығы исеме бирелә. 1983 й. “П.” составына — “Прогресс” Бөрө электромеханика з‑ды, 1987 й. Өфө “Магнетрон” з‑ды инә. 1999 й. башлап ФДУП, 2012 й. хәҙ. статусын ала. Хеҙмәт Ҡыҙыл Байраҡ орд. м‑н бүләкләнгән (1971). Пр‑тие “Рәсәйҙең 1000 иң яҡшы предприятиеһы” конкурсында еңгән (2001). Завод бинаһы — тарих һәм архитектура ҡомартҡыһы (1992). Пр‑тие м‑н Л.Ф.Аврас, А.А.Ильин, В.И.Малмыгин, И.П.Рассказов, Н.Я.Ручьёв, Д.С.Сергеев, А.Ф.Тишина, В.С.Фалько һ.б. эшмәкәрлеге бәйле.

М.Н.Ғиззәтуллина

Тәрж. Ф.Ғ.Ғәлиев

 

 

 

 

 

 

Яндекс.Метрика