ПАВЛОВ Леонид Ильич (3.8.1910, Ярославль ҡ. — 26.3.1977, Өфө), хужалыҡ эшмәкәре. ӨАИ‑ны (1955) тамамлаған. 1929 й. алып Рыбинск ҡ. эшләй. 1941 й. башлап ӨМЭЗ‑дә: цех нач. урынбаҫары, 1946 й. — цех нач.; 1957–74 йй. Өфө “Гидравлика” агрегат берекмәһендә директор. 1941 й. Өфөгә 26‑сы механика з‑дын эвакуациялап, уның яңынан эшләй башлауын тәьмин итә (ҡара: Өфө моторҙар эшләү производство берекмәһе); хәрби техника төҙөүҙә, бер нисә авиация двигателдәрен етештереүҙе үҙләштереүҙә ҡатнаша. П. етәкс. “Гидравлика” берекмәһендә тутыҡмай торған ҡоростан һығылмалы герметик үткәргес торбалар, аэрокосмик техникаға ҡатмарлы гидравлик, яғыулыҡ, һауа фильтрҙары; борттағы электр селтәрен артыҡ көсөргәнештән һаҡлау автоматтары (СССР‑ҙа тәүге тапҡыр) һ.б. етештере¢ ойошторолған; соц.‑көнкүреш һәм мәҙәни тәғәйенләнешле объекттар төҙөлгән. Ленин (1971), Хеҙмәт Ҡыҙыл Байраҡ (1966), Ҡыҙыл Йондоҙ (1943) орд. м‑н бүләкләнгән.

Т.П.Лелюх

Тәрж. Ф.Ғ.Ғәлиев

Текст на русском языке

 

 

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018