СОФТБОЛ (ингл. soft — йомшаҡ һәм ball — туп), спорт төрө, бейсболдың бер төрө, туп һәм бита м‑н команда уйыны. Башҡортостанда С. үҫеше 1987 й. Өфө р‑ны Николаевка а. урта мәктәбендә беренсе секция асылыу м‑н бәйле (ҡара: “Башҡортостан”). Өфөлә (18‑се һәм 90‑сы урта мәктәптәр), Булгаков, Нөрлө, Чесноковка, Шемәк аа. (бөтәһе лә — Өфө р‑ны) секциялар эшләгән. 1993 й. Николаевка а. Рәсәйҙәге тәүге софтбол стадионы төҙөлә. Респ. С. б‑са Рәсәйҙең тәүге спорт мастерҙары “Башҡортостан” командаһының 12 уйынсыһы — беренсе Рәсәй чемпионатының көмөш призёрҙары (1992) була. Халыҡ‑ара ярыштарҙа Рәсәй йыйылма командаһы составында юғары ҡаҙаныштарға И.Ю.Полецкова һәм А.Р.Уйылданова ирешә. Респ. Өфө р‑ны СДЮСШОР‑нда 50‑гә яҡын кеше шөғөлләнгән С. бүлеге эшләй (2008). 1990 й. алып БР‑ҙың С. федерацияһы эшләп килә. С. м‑н тренерҙар В.В.Маклаков, Е.Ф.Маклакова, бөтә Рәсәй категориялы судья А.Ю.Степанов эшмәкәрлеге бәйле.

Е.Ф.Маклакова

Тәрж. Ғ.Р.Бердина

 

Яндекс.Метрика