СОКОЛОВ Владимир Вячеславович (9.8.1952, БАССР-ҙың Яңауыл р-ны Яңауыл ҡсб, хәҙ. Яңауыл ҡ.), математик. Физика-матем. ф. д-ры (1990), проф. (1997). БАССР-ҙың мәғариф отличнигы (1983). БДУ-ны тамамлағандан һуң (1975) шунда уҡ эшләй, 1983 й. алып Математика ин‑тында өлкән ғилми хеҙм-р, 1989 й. – бүлек мөдире, 1995 й. – баш ғилми хеҙм-р, бер үк ваҡытта 1995–97 йй. ӨДАТУ-ла уҡыта. 1997 й. башлап РФА-ның Л.Д.Ландау ис. Теоретик физика ин-тының (Черноголовка ҡ.) төп ғилми хеҙм-ре. Фәнни эшмәкәрлеге һыҙыҡһыҙ дифференциаль тигеҙләмәләр теорияһының алгебраик аспекттарына арналған. С. тарафынан Лакс бирелешенә ҡарата Ли алгебраһы теорияһының ҡушымталары тикшерелә, сәселеү теорияһының кире мәсьәлә ысулы м-н интегралланыусы бүлендек сығарылмалағы һыҙыҡһыҙ тигеҙләмәләрҙең исемлеге алына, ҡаты есем динамикаһының Кирхгоф тигеҙләмәләре м-н һүрәтләнгән теүәл интегралланыусы моделдәре һ.б. табыла. 85-тән ашыу фәнни хеҙмәт авторы. С.В.Ковалевская ис. пр. лауреаты (2006).

Хеҙм.: Точно интегрируемые гиперболические уравнения лиувиллевского типа //Успехи математических наук. 2001. Т.56. Вып.1 (авторҙ.); Новый интегрируемый случай для уравнений Кирхгофа //Теоретическая и математическая физика. 2001. Т.129. №1.

А.В.Жибер

Тәрж. Р.Ғ.Ғилманов

Яндекс.Метрика