СМИРНОВ Валентин Борисович [15.8.1916, Өфө губ. Златоуст өйәҙе Мәсәғүт а. (БР‑ҙың Дыуан р‑ны) — 27.2.1993, С.‑Петербург], геофизик. Техник ф. канд. (1954). СССР‑ҙың почётлы полярнигы (1955), гидрометеорология хеҙмәте отличнигы (1967, 1980). М.А.Бонч‑Бруевич ис. Ленинград электротехник элемтә ин‑тын тамамлаған (1949). 1955—91 йй. Арктика һәм Антарктика ҒТИ‑нда (Ленинград) эшләй: 1955—56 йй. дрейфта йөҙөүсе “Северный полюс—5” арктик ст., 1960 — 62 йй., 1965 — 67 йй. Антарктидалағы “Мирный” поляр ст. геофизик отряд етәксеһе, бер үк ваҡытта 1963 й. алып радиотулҡындар таралыу лаб. нач., 1986 й. — өлкән ғилми хеҙм‑ре. Фәнни эшмәкәрлеге ионосфераны ауыш зондлауҙың теоретик нигеҙҙәрен өйрәнеүгә арналған. С. ҡатнашлығында ионосфераны тикшереү өсөн “НАИС” аппаратураһы төҙөлгән. 100‑гә яҡын фәнни хеҙмәт авторы.

С.Е.Кучеров

Тәрж. Р.Ғ.Ғилманов

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018