СЕМАК Александр Владимирович (11.2.1966, Өфө), спортсы. Шайбалы хоккей б‑са СССР‑ҙың халыҡ‑ара класлы спорт мастеры (1987) һәм СССР‑ҙың атҡ. спорт мастеры (1990). “Салауат Юлаев” СДЮШОР‑ы тәрбиәләнеүсеһе (тренерҙары В.И.Воробьёв, А.Н.Емелин). “Салауат Юлаев” (1982—86, 1994, 2000—01), “Динамо” (Мәскәү, 1986—91, 2002— 03), “Северсталь” (Череповец ҡ., 2003—04), ЭЭМ (Тверь ҡ., 2004–05) хоккей клубтарында, Милли хоккей лигаһы (АҠШ, Канада, 1992—97) һәм Германия (1999—2000) клубтарында уйнай. Донъя (1990), Европа (1987, 1991), СССР (1990—91), Бөтә донъя универсиадаһы (1987) чемп., Халыҡ‑ара хоккей федерацияһы кубогын яулаусы (1994), донъя (1987), Европа (1990), СССР (1987) чемпионаттарының көмөш призёры, донъя чемпионатының бронза призёры (1991). Йәштәр араһында донъя (1984, 1986), үҫмер спортсылар араһында Европа (1984), үҫмерҙәр араһында СССР (1983) һәм РСФСР халыҡтары спартакиадаһы (1981) чемпионы. СССР йыйылма командаһы ағзаһы (1987— 91). 2005—13 йй. тренерлыҡ эшендә, 2015 й. алып “Салауат Юлаев” хоккей клубының ген. дир., 2016 й. — ген. дир. урынбаҫары. БР Дәүләт Йыйылышы — Ҡоролтайҙың 5‑се саҡырылыш депутаты. Халыҡтар дуҫлығы орд. м‑н бүләкләнгән (2016).

Тәрж. М.Н.Моратшина

Текст на русском языке

Яндекс.Метрика