СӘҒИҘУЛЛИН Ғабдулла Ғәйфулла улы (30.6.1938, БАССР-ҙың Ауырғазы р‑ны Түб. Ләкәнде а. – 5.12.1999, Өфө), химик-технолог. Техник ф. д-ры (1978). Ленсовет ис. Ленинград технология ин-тын тамамлағандан һуң (1965) Мәскәүҙә эшләй: “Союзмашпроект” ин-тында, 1968 й. алып (өҙөклөк м-н) Мәскәү инженерлыҡ экологияһы ун-тында (1994 й. башлап лаб. мөдире); 1987 й. алып Магистраль үткәргес торбалар төҙөү б-са Бөтә Союз ҒТИ-нда лаб. мөдире. 1998 й. башлап ИПТЭР-ҙа бүлек мөдире. Фәнни тикшеренеүҙәре шартлау энергияһы м-н технологик маҡсаттарҙа идара итеүгә арналған. С. етәкс. төрлө материалдарҙы ҡырҡыу өсөн ярсыҡһыҙ зарядтар, шартлау техникаһы өлгөләре һәм “Эдилин” башлап ебәреү системаһы уйлап табыла. С. технологиялары сәнәғәттең төрлө тармаҡтарында авария-ҡотҡарыу, ремонтлау-тергеҙеү һ.б. эштәрҙе башҡарғанда файҙаланыла. 150 фәнни хеҙмәт һәм 70 уйлап табыу авторы.

Р.Х.Иҙрисов

Тәрж. Р.Ғ.Ғилманов

Яндекс.Метрика