САЛАУАТ ТЭЦ-ы, “Башкирэнерго” ААЙ-ның бүлендек йәмғиәте “Башҡортостан генерациялау компанияһы” ЯСЙ филиалы. Электр һәм йылылыҡ энергияһы эшләп сығара. Составына ҡаҙанлыҡ, турбина, электр, химия, йылылыҡ автоматикаһы һәм үлсәмдәре, ремонт-төҙөлөш цехтары; ағымдағы ремонт участкаһы инә. 2008 й. 433 кеше эшләгән; 1040,2 млн кВт•сәғ. электр етештерелгән һәм 2419,8 мең Гкал йылылыҡ энергияһы ебәрелгән. Продукцияһын ҡулланыусылар – БР һәм РФ-тың халҡы һәм пр-тиелары. 1950 й. 18‑се комб-т (ҡара: “Салаватнефтеоргсинтез) составында асыла, 1953 й. тәүге сираты (ҡеүәте 25 мең кВт) сафҡа индерелә, 1954 й. алып “Башкирэнерго” составында (1966 й. электр ҡеүәте 304 мең кВт), 1992 й. алып филиал (2006 й. башлап бүлендек йәмғиәт филиалы). Пр-тиела БР-ҙа тәүге тапҡыр һыу селтәрен Гилуфер-422 юшҡын яһау ингибиторы м-н эшкәртеү технологияһы индерелә (2001). 1952–2009 йй. пр-тие тарафынан 66,03 млрд кВт•сәғ. электр һәм 225,2 млн Гкал йылылыҡ энергияһы етештерелгән.

Тәрж. Г.Ҡ.Ҡунафина

Яндекс.Метрика