САЛАУАТ ТИМЕР-БЕТОН ЗАВОДЫ, ААЙ. Составына 2 форма эшләү, арматура, ремонт‑механика, мәғдән булмаған материал цехтары инә. 2008 й. 292 кеше эшләгән; етештерелгән (мең м3): йыйылма тимер‑бетон — 13,5, арматураланмаған бетон изделиелар — 3,1, тауар бетоны — 0,9, ҡом‑ҡырсын ҡатнашмаһы — 13,8. Продукцияһы БР‑ҙа һатыла. 1960 й. 18‑се төҙөлөш идаралығының (1950 й. нигеҙ һалынған) Баш ярҙамсы пр‑тиелар контораһын үҙгәртеп ҡороу һөҙөмтәһендә төҙөлә, 1994 й. хәҙ. статусын ала. Завод тарафынан 5,5 млн м3 продукция етештерелә; тимер‑бетон конструкциялар “Каустик”, “Сода”, Өфө нефть эшкәртеү заводы һ.б. пр‑тиеларҙы төҙөгәндә ҡулланыла. БР‑ҙа оҙон үлсәмле терәк конструкциялар (24 м тиклем) етештереүсе берҙән‑бер пр‑тие. Пр‑тие м‑н Б.Ф.Любимов һ.б. эшмәкәрлеге бәйле.

В.А.Потеряхин

Тәрж. Г.Ҡ.Ҡунафина

Яндекс.Метрика