САЛАУАТ ОПТИКА‑МЕХАНИКА ЗАВОДЫ. 1977 й. төҙөлгән, 1980 й. файҙаланыуға тапшырылған, 1981 й. тәүге призма алына, 1987 й. — балалар өсөн оптик уйынсыҡтар, 1988 й. — мед. приборҙары (диоптриметр, фотоколориметр), 1989 й. — концентрацион фотоэлектр колориметрҙары, 1990 й. — пластмассанан санитар- техник изделиелар, лупалар, ишек өсөн күҙсектәр һ.б., 1993 й. оптик прицел эшләп сығарыу үҙләштерелә. 1998 й. алып ДУП, 2010 й. ябыла. Күҙәтеү өсөн оптик (төрлө модификациялы биноклдәр һ.б.) һәм мед. приборҙары эшләп сығарған. Составына оптика, механика, ҡойоу, йыйыу, инструмент, ремонт, стандарт булмаған ҡорамал цехтары һ.б. ингән. 2004 й. 300‑ҙән ашыу кеше эшләгән. Продукцияһы БР‑ҙа, РФ‑та, донъяның 50‑нән ашыу илендә һатылған.

Тәрж. Г.Ҡ.Ҡунафина

     © ГАУН РБ“Башкирская энциклопедия”, 2018             Все права на материалы, находящиеся на сайте http://башкирская-энциклопедия.рф, охраняются в соответствии с законодательством РФ, в том числе об авторском праве и смежных правах.