СУХОМЛИНОВ Николай Александрович (27.7.1850, Волынск губ. — ?), дәүләт эшмәкәре. Кавалериянан ген. (1916). Дворяндарҙан. 1877—78 йй. рус-төрөк һуғышында ҡатнашыусы. 1‑се С.‑Петербург кадет корпусын, Николай кавалерия уч‑щеһын (С.‑Петербург) тамамлаған. 1866—1917 йй. рус армияһында. 1909 й. алып 9‑сы кавалерия див. нач., 1911 й. — Ырымбур губернаторы һәм Ырымбур казак ғәскәренең наказлы атаманы. Ырымбур казак ғәскәренең статусын нығыта (ғәскәрҙең ойошторолоу ваҡыты итеп 1574 й. теркәлә, Ырымбур казагының түшкә таға торған знагы раҫлана). Троицк т. юлының Ырымбур—Орск участкаһын төҙөүгә булышлыҡ итә. Беренсе донъя һуғышы осоронда хәрәкәттәге армияға Ырымбур казактарын мобилизациялауҙы тәьмин итә, һуғышҡа алынғандарҙың ғаиләләренә һәм Ырымбур губернаһына килгән ҡасаҡтарға ярҙам ойоштора. 1915 й. башлап Степной ген.-губернаторлығының ген.-губернаторы, Омск хәрби округы ғәскәрҙәре командующийы, Себер казак ғәскәренең наказлы атаманы. 1917 й. ҡулға алына, отставкаға сығарыла. 2‑се (1915), 3‑сө (1893), ҡылыслы һәм бантлы 4‑се (1878) дәрәжә Изге Владимир, 1‑се (1912), ҡылыслы һәм бантлы 3‑сө дәрәжә (1878) Изге Анна, 1‑се (1905), ҡылыслы 2‑се (1878), 3‑сө (1873) дәрәжә Изге Станислав орд. м‑н бүләкләнгән.

В.Г.Семёнов, В.П.Семёнова

Тәрж. М.Х.Хужин

Яндекс.Метрика