СӨЛӘЙМӘНОВ Вәлиәхмәт Ғимал улы [15.4.1924, БАССР‑ҙың Тамъян-Ҡатай кантоны Ҡушый а. (БР‑ҙың Әбйәлил р‑ны)], Дан орд. тулы кавалеры. Б.В. һуғышында ҡатнашыусы. 1941—42 йй. Әбйәлил р‑нының III Интернационал ис. к‑зында эшләй. 1943 й. февр. алып 1‑се һәм 3‑сө Украина фронттарында 37‑се армияның 15‑се гвардия уҡсылар див. 20‑се айырым танкыға ҡаршы дивизиондың 2‑се батареяһында орудие ком. булып хеҙмәт итә. Дан орд. м‑н С. 1944 й. 17 февр. Украина ССР‑ының Ингулец а. янында ш. уҡ исемле йылғаны аша сыҡҡанда, 1945 й. 27 ғин. Оппельн ҡ. (Польша) һәм 3 майында Гросенхайм ҡ. (Германия) янындағы алыштарҙа күрһәткән батырлығы өсөн бүләкләнә. Демобилизациянан һуң (1947) Әбйәлил р‑нының эске эштәр бүлегендә эшләй. 1‑се дәрәжә Ватан һуғышы (1985), 1‑се (1945 й. июне), 2‑се (ш. уҡ йылдың апр.) һәм 3‑сө (1944) дәрәжә Дан орд. м‑н бүләкләнгән. Ҡушый а. урамға С. исеме бирелгән.

Ғ.Һ.Булатов

Тәрж. М.Х.Хужин

 

Яндекс.Метрика