СОКОЛОВ Дмитрий Николаевич (1867, Ырымбур губ. ш. уҡ исемле өйәҙе Соҡалаҡ а., хәҙ. Ырымбур өлк. Һарыҡташ р‑ны Иҫке Соҡалаҡ а., — 19.2.1919, ш. уҡ губ. Әйҙәрәле приискыһы, хәҙ. Ырымбур өлк. Кваркен р‑ны Әйҙәрәле ҡсб), тарихсы, этнограф, тыуған яҡты өйрәнеүсе. Дворяндарҙан. Мәскәү ун‑тын тамамлаған (1891). 1894 й. алып Ырымбур ҡ.: Ҡаҙна палатаһында хеҙмәт итә, 1898—1906 йй. Ырымбур өйәҙендә земство нач., 1905 й. — Геол. ком‑тында, 1915 й. — Ырымбур тупраҡ экспедицияһында эшләй. 1906—07 йй. һәм 1909—10 йй. Ырымбур крайының көньяҡ һәм көньяҡ-көнбайыш өлөштәренең геол. өйрәнеү б‑са экспедиция ойошторған. Фәнни хеҙмәттәре Көньяҡ Уралдың этнографияһына, географияһына арналған. Тәүгеләрҙән булып башҡ. тамғаларын өйрәнә башлаған. 60‑тан ашыу фәнни хеҙмәт авторы. 1896 й. башлап Ырымбур ғилми архив комиссияһы ағзаһы, 1906—10 йй. Рус география йәмғиәтенең Ырымбур бүлеге рәйесе.

Хеҙм.: О башкирских тамгах //Труды Оренбургской учёной архивной комиссии. Оренбург, 1904. Вып.13; Оренбургская губерния: геогр. очерк. М., 1916.

Ю.А.Әбсәләмова

Тәрж. Ф.Ә.Ҡылысбаев

Яндекс.Метрика