СИНИЦЫН Василий Иванович (12.12.1918, Өфө губ. Стәрлетамаҡ өйәҙе Мәләүез а., хәҙ. Мәләүез ҡ., — 14.10.1971, Новозыбков ҡ.), лётчик, капитан. Советтар Союзы Геройы (1945). Б.В. һуғышында ҡатнашыусы. Хәрби-һауа көстәренең Юғары осоу-тактика мәктәбен тамамлаған (Липецк ҡ., 1947). 1935 й. алып БАССР халыҡ хужалығы иҫәбенең Мәләүез район бүлегендә, 1936 й. — “Заготзерно” Бөтә Союз берекмәһенең Башҡ‑н контораһында, 1937 й. — “Ташсельмаш” з‑дында (Ташкент) эшләй. 1939 й. башлап Совет Армияһында. 1941 й. июненән Көньяҡ-Көнбайыш, Ленинград һәм 1‑се Украина фронттарында хеҙмәт итә. Герой исеменә 18‑се һауа армияһының 5‑се гвардия бомбардировка полкының элемтә нач. кесе лейт. С. 360 хәрби осошта күрһәткән батырлығы өсөн лайыҡ була. Запасҡа сыҡҡандан һуң (1953) Новозыбковола эшләй. Ленин (1945), Ҡыҙыл Байраҡ, 2‑се дәрәжә Ватан һуғышы, Ҡыҙыл Йондоҙ орд. м‑н бүләкләнгән. Мәләүездә урамға С. исеме бирелгән.

Ғ.Һ.Булатов

Тәрж. М.Х.Хужин

 

Яндекс.Метрика