САЗОНОВ (Созонов) Егор Сергеевич (26.5.1879, Вятка губ. Петровский а. — 26.11.1910, Нерчинск һөргөнө, 1917 й. Өфөлә ҡабаттан ерләнгән), рев‑ция хәрәкәте эшмәкәре. 1904 й. алып Социал‑революционерҙар партияһы ағзаһы. Өфө ир балалар гимназияһын тамамлаған (1897). 1901 й. революцион эшмәкәрлек өсөн Мәскәү ун‑тынан ҡыуылып, ҡулға алына һәм Өфөгә һөргөнгә ебәрелә. В.В.Леонович һәм А.А.Бельский м‑н берлектә Урал социал‑демократтар һәм социал‑революционерҙар союзын ойоштороуҙа ҡатнаша. Өфө һәм Златоуст ҡ. тимер юлсылары араһында агитация алып барған. 1902 й. мартында ҡулған алына һәм Көнсығыш Себергә һөргөнгә ебәрелә, Швейцарияға ҡаса. 1904 й. йәшерен рәүештә Рәсәйгә ҡайта. Эсерҙарҙың хәрби төркөмө составында 15 июлдә С.‑Петербургта эске эштәр министры В.К.Плевены үлтереүҙә ҡатнаша. 1905 й. мәңгелек һөргөнгә хөкөм ителә. Өфөлә урамға С. исеме бирелгән.

Х е ҙ м.: Исповедь. СПб., 1906.

Әҙәб.: Г о р о д н и ц к и й Р.А. Егор Сазонов: мировоззрение и психология эсера‑террориста //Отечественная история. 1995. №5.

Г.В.Мордвинцев

Тәрж. М.Х.Хужин

Яндекс.Метрика