СИЛАНТЬЕВ Иван Матвеевич [28.1.1918, Өфө губ. Өфө өйәҙе Ҡалтыман а. (БР‑ҙың Иглин р‑ны) — 7.7.1958, шунда уҡ], Советтар Союзы Геройы (1943). Б.В. һуғышында ҡатнашыусы. БАССР‑ҙың Иглин р‑нының Я.М.Свердлов ис. к‑зында эшләгән. 1938 й. алып Ҡыҙыл Армияла. 1942 й. июненән Көньяҡ-Көнбайыш, Сталинград, 3‑сө Украина фронттарында хеҙмәт итә. Герой исеменә  1‑се гвардия механизацияланған корпусының 9‑сы гвардия танк бригадаһы 2‑се танк батальонының Т‑34 танкы механик-водителе гвардия өлкән сержанты С. 1943 й. 18 июлендә Изюм ҡ. (Украина ССР‑ы) көньяҡ-көнсығыштараҡ Төньяҡ Донец й. аша сыҡҡанда күрһәткән батырлығы өсөн лайыҡ була. Демобилизациянан һуң (1945) Я.М.Свердлов ис. к‑зда эшләй. Ленин орд. м‑н  бүләкләнгән (1943).

И.Ғәримова

Тәрж. М.Х.Хужин

 

Яндекс.Метрика