ПТОЛЕМЕЙ Клавдий (яҡынса 90 й. — 168 й. тирәһе), боронғо грек ғалимы, астроном. Александрия ҡ. (Мысыр) йәшәгән. “13 китапта астрономияның бөйөк математик төҙөлөшө” (“Великое математическое построение астрономии в 13 книгах”; ғәрәпсә исеме “Альмагест”) хеҙмәте авторы. “География буйынса ҡулланма” (“Руководство по географии”; 8 китапта) хеҙмәтендә география фәне б‑са системаға һалынған мәғлүмәт бирелгән, сауҙагәрҙәр һәм сәйәхәтселәрҙең маршруттары мәғлүмәтенә нигеҙләнгән 8 мең пункттың координатаһы билдәләнгән. Трактатҡа Ер өҫтө һүрәтләнгән 26 махсус карта, ш. иҫ. Гиперборей (Урал) тауҙары, Ра (Волга), Даикс (Урал) йй. күрһәтелгән дөйөм карта, беркетелгән.

В.А.Иванов

Тәрж. Ф.Ә.Ҡылысбаев

 

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018