СОРОКИН Валентин Васильевич (25.7.1936, БАССР‑ҙың Йылайыр р‑ны Авашла утары), шағир. М.Горький ис. Әҙәбиәт ин‑ты эргәһендәге Юғары әҙәби курстарҙы тамамлағандан һуң (Мәскәү, 1965) “Волга” ж. (Һарытау ҡ.), 1968 й. алып “Молодая гвардия” (“Йәш гвардия”) ж. бүлек мөдире, 1970 й. — “Современник” (“Замандаш”; икеһе лә — Мәскәү) нәшриәтенең баш мөхәррире; 1980 й. башлап М.Горький ис. Әҙәбиәт ин‑ты эргәһендәге Юғары әҙәби курстарҙың етәксеһе. “Вәғәҙә” (“Обещание”; 1989), “Минең менән бул” (“Будь со мной”; 1996), “Мөхәббәт тауышы” (“Голос любви”; 2003) һ.б. шиғри йыйынтыҡтар авторы. Лирик шиғырҙары эскерһеҙлеге, тематика төрлөлөгө м‑н айырылып тора: мөхәббәт, тәбиғәт, юл тәьҫораттары, Ватан т‑да борсолоулы уйҙар. Крәҫтиәндәр һуғышына (1773—75) арналған “Бола” (“Бунт”; 1960—67) поэмаһында, “Үс алыусылар” (“Мстители”; 1961) шиғырында Салауат Юлаев образы сағылдырылған. М.Ғәли, Ш.Анаҡ шиғырҙарын башҡ. теленә тәржемә иткән. 1980—83 йй. Мәскәү ҡала яҙыусылары ойошмаһы секретары. 1994 й. алып РФ Яҙыусылар союзы рәйесе. М.Горький ис. РСФСР‑ҙың Дәүләт пр. (1986), Ленин комсомолы (1974), М.А.Шолохов ис. халыҡ-ара (2000) һ.б. пр. лауреаты. “Почёт Билдәһе” (1984), Дуҫлыҡ (2007), сит ил орд. м‑н бүләкләнгән.

Әҫәрҙ.: Тәүге ел: шиғырҙар һәм поэма. Өфө, 1981; Хочу быть ветром: стихотворения и поэмы. М., 1982; Ты — моя: стихи о любви. М., 2008.

Тәрж. Р.Ә.Сиражитдинов

Яндекс.Метрика