СӘҒИТОВ Тайфур Барый улы (15.4.1936, БАССР‑ҙың Белорет р‑ны Аҙнағол а.), яҙыусы. БАССР‑ҙың атҡ. мәҙәниәт хеҙм‑ре (1986). Журналистар союзы (1963) һәм Яҙыусылар союзы (1980) ағзаһы. БДУ‑ны тамамлағандан һуң (1963) 1964 й. тиклем һәм 1973—74 йй. “Ленинец”, 1967 й. алып “Совет Башҡортостаны” гәз., 1970—72 йй. “Башҡортостан ҡыҙы” ж., 1975 й. башлап Башҡ‑н китап нәшриәтендә, 1977—84 йй. “Ағиҙел” ж., 1989—91 йй. һәм 1993—2007 йй. “Связист Башкортостана” (“Башҡортостан элемтәсеһе”) гәз. (Өфө; баш мөхәррир) һ.б. эшләй. “Рәхмәт һеҙгә, кешеләр!” исемле тәүге китабы 1976 й. сыға. “Иман” (1991), “Сик” (2006) китаптарының төп темаһы — замандың әхлаҡи проблемалары, йәмғиәттең соц. деградацияһы. “Ҡаһармандар юлынан” (1992) повесы, “Аманат” (1989) эссеһы 112‑се Башҡ. кавалерия дивизияһына (ҡара: Чернигов кавалерия дивизияһы) арналған. С.Чекмарёв ис. пр лауреаты (1985).

Әҫәрҙ.: Күңел төбөндәге сер: хикәйәләр һәм повесть. Өфө, 1982; Әҫәрҙәр. 1–2‑се тт. Өфө, 1994–1998; Сабантуй: роман. М., 1984.

Тәрж. Р.Ә.Сиражитдинов

Яндекс.Метрика