ПУГАЧЁВ Валерий Вениаминович (5.6.1944, БАССР‑ҙың Мәләүез р‑ны Мәләүез ҡсб, хәҙ. Мәләүез ҡ.), журналистика теоретигы, китап эше белгесе. Филол. ф. д‑ры (2005). МДУ‑ны тамамлаған (1969). 1971—77 йй. “Ленинец” гәз. редакцияһында эшләй: әҙәби хеҙм‑р, бүлек мөдире, яуаплы секретарь. 1981 й. алып БДУ‑ла уҡыта (2013 й. башлап урыҫ әҙәбиәте һәм китап баҫтырыу эше каф. мөдире). Фәнни эшмәкәрлеге периодик баҫмаларҙың типологияһын өйрәнеүгә, Өфө губернаһының 1917 й. тиклемге урыҫ телендәге периодик баҫмалары тарихына, китап ғилеменә арналған. 150‑нән ашыу фәнни хеҙмәт авторы.

Х е ҙ м.: Газетный и журнальный мир Уфимской губернии: типологические и жанровые характеристики. Уфа, 2004; Уфимская книжность. Эволюция газетного, журнального, типографского и книжного дела. Уфа, 2004.

Тәрж. Р.Ә.Сиражитдинов  

Яндекс.Метрика