СҮЛТӨП, Байкал, Кушнаренко р‑нындағы ауыл, Иҫке Ҡормаш а/с ҡарай. Район үҙәгенән К.‑Көнб. 24 км һәм Өфө т. юл ст. Т.‑Көнб. табан 82 км алыҫлыҡта Кәрәкә й. (Ҡармасан й. ҡушылдығы) буйында урынлашҡан. Халҡы: 1906 й. — 408 кеше; 1920 — 487; 1939 — 238; 1959 — 328; 1989 — 148; 2002 — 149 кеше. Башҡорттар, татарҙар йәшәй. Халҡы “Байкал” крәҫтиән (фермер) хужалығында эшләй. Башланғыс мәктәп бар.

Ауылға 19 б. башында Өфө өйәҙе Ҡаңлы улусы башҡорттарының аҫаба ерҙәрендә керҙәшлек килешеүе б‑са удел крәҫтиәндәре нигеҙ һала. 1865 й. Сөлтөн булараҡ иҫәпкә алынған, 80 йортта 348 кеше йәшәгән. Игенселек м‑н шөғөлләнгәндәр. Часовня, һыу һәм 2 ел тирмәне булған. 1906 й. бакалея кибете, мөгәзәй теркәлгән.

Тәрж. Р.Ғ.Ғилманов

Яндекс.Метрика