СИРЕҒОЛ, Ейәнсура р‑нындағы ауыл, Байдәүләт а/с үҙәге. Район үҙәгенән Т.‑Көнс. 36 км һәм Һарыҡташ т. юл ст. (Ырымбур өлк.) Т.‑Көнс. табан 90 км алыҫлыҡта Оло Һүрәм й. буйында урынлашҡан. Халҡы: 1900 й. — 233 кеше; 1920 — 240; 1939 — 446; 1959 — 422; 1989 — 388; 2002 — 373 кеше. Башҡорттар йәшәй (2002). С. — “Зенит” ЯСЙ‑ның үҙәк усадьбаһы. Төп мәктәп, балалар баҡсаһы, фельдшер-акушерлыҡ пункты, мәҙәниәт йорто (“Ҡарасәй” башҡ. халыҡ фольклор ансамбле), китапхана бар.

Ауылға 17 б. аҙ. Нуғай даруғаһы Үҫәргән улусы башҡорттары үҙ ерҙәрендә нигеҙ һала. Тәүге төпләнеүсе Сиреғол Ҡунаҡов исеме м‑н аталған. Шулай уҡ Сереғол исеме м‑н иҫәпкә алынған. 1795 й. 10 йортта 93 кеше йәшәгән, 1866 й. 31 йортта — 143 кеше. Малс‑ҡ, игенселек м‑н шөғөлләнгәндәр. Мәсет булған. 1921 й. бында сыуаштар килеп ултырған; Башҡ. Сиреғоло һәм Сыуаш Сиреғоло аа. теркәлгән, улар 70‑се йй. башынан хәҙ. исем м‑н бергә иҫәпкә алына.

Д.Ғ.Күскилдин

Тәрж. Р.Ғ.Ғилманов

Яндекс.Метрика