СЕМЁН-МАКАР, Йәрмәкәй р‑нындағы ауыл, Йәрмәкәй а/с ҡарай. Район үҙәгенән Т.‑Көнс. 11 км һәм Приют т. юл ст. Т.‑Көнб. табан 42 км алыҫлыҡта Ҡоръятмаҫ й. (Рә й. ҡушылдығы) буйында урынлашҡан. Халҡы: 1906 й. – 878 кеше; 1920 – 813; 1939 – 1031; 1959 – 570; 1989 – 363; 2002 – 345 кеше. Сыуаштар йәшәй. С.‑М. – “Яңы тормош” АХПК‑ның үҙәк усадьбаһы. Төп мәктәп, фельдшер‑акушерлыҡ пункты, клуб, китапхана бар. Ауылға 18 б. аҙ. Ҡазан даруғаһы Ҡыр-Йылан улусы башҡорттары үҙ ерҙәрендә Ҡоръетмәҫ (Ҡоръятмаҫ) исеме м‑н нигеҙ һала. 1795 й., 1799 й. керҙәшлек килешеүҙәре б‑са бында яңы суҡындырылған сыуаштар килеп ултырған һәм Семён а. (тәүге төпләнеүсе Семён Макаров исеменән) нигеҙләгән. 19 б. 1‑се ярт. был ауылдар хәҙ. исем м‑н бергә иҫәпкә алына. 1795 й. 15 йортта 44 кеше йәшәгән, 1865 й. 75 йортта – 510 кеше. Малс‑ҡ, игенселек, умарт‑ҡ м‑н шөғөлләнгәндәр. Часовня, училище булған; улус идаралығы урынлашҡан. 1906 й. сиркәү (1886 й. төҙөлгән), министрлыҡ мәктәбе, 2 тимерлек, 3 тирмән, шарап һәм 2 бакалея кибете теркәлгән. 30—80‑се йй. С.‑М. һәм Ҡоръятмаҫ аа. айырым иҫәпкә алынған: 1939 й. 1‑һендә 777 кеше йәшәгән, 2‑һендә – 254 кеше; 1959 й. ярашлы рәүештә – 437 һәм 133 кеше.

Т.И.Әминев

Тәрж. Р.Ғ.Ғилманов

Яндекс.Метрика