СЕМЁН-ПЕТРОВСКИЙ, Күгәрсен р‑нындағы ауыл, Иртөбәк а/с үҙәге. Район үҙәгенән Т.‑Көнб. 25 км һәм Мәләүез т. юл ст. К.‑Көнс. табан 60 км алыҫлыҡта Иртөбәк й. (Ағиҙел й. ҡушылдығы) буйында урынлашҡан. Халҡы: 1900 й. – 305 кеше; 1920 – 704; 1939 – 555; 1959 – 333; 1989 – 345; 2002 – 364 кеше. Урыҫтар, башҡорттар йәшәй (2002). С.‑П. – «“Иртөбәк” агорфирмаһы»ның үҙәк усадьбаһы. Төп мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана, сиркәү (ағас, 19 б. аҙ. архитектура ҡомартҡыһы) бар.

Ауылға Крәҫтиән реформаһынан һуң Ырымбур өйәҙе Һыуын‑Ҡыпсаҡ улусы башҡорттарының аҫаба ерҙәрендә мордва крәҫтиәндәре утар булараҡ нигеҙ һала. Тәүге төпләнеүсе ағалы‑ҡустылы Семён һәм Пётр Захаровтарҙың исеме м‑н аталған. 1891 й. 48 йортта 208 кеше йәшәгән. Игенселек м‑н шөғөлләнгәндәр. Сиркәү булған. 20 б. башынан хәҙ. статусын йөрөтә. 1917 й. улус идаралығы урынлашҡан булған. В.П.Захаров ошо ауылда тыуған.

Тәрж. Р.Ғ.Ғилманов

Яндекс.Метрика