СЕБЕНЛЕ, Әлшәй р‑нындағы ауыл, Себенле а/с үҙәге. Район үҙәгенән һәм Раевка т. юл ст. К.‑Көнс. табан 28 км алыҫлыҡта Дим й. буйында урынлашҡан. Халҡы: 1906 й. – 1026 кеше; 1920 – 690; 1939 – 331; 1959 – 355; 1989 – 390; 2002 – 356 кеше. Башҡорттар йәшәй. Халҡы «“Тыуған ил” экоагроһы» ЯСЙ‑нда эшләй. Урта мәктәп, фельдшер‑акушерлыҡ пункты, мәҙәниәт йорто, китапхана бар.

Ауылға Бәләбәй өйәҙе Илекәй‑Мең улусы башҡорттары үҙ ерҙәрендә нигеҙ һала, 1786 й. алып билдәле. 1795 й. 22 йортта 140 кеше йәшәгән, 1865 й. 120 йортта – 628 кеше. Малс‑ҡ, игенселек, умарт‑ҡ м‑н шөғөлләнгәндәр. Мәсет булған. 1906 й. шулай уҡ 2 бакалея кибете теркәлгән. Х.С.Булатов ошо ауылда тыуған.

Тәрж. Р.Ғ.Ғилманов

Яндекс.Метрика