САФАР, Миәкә р‑нындағы ауыл, Йәнәби‑Урсай а/с ҡарай. Район үҙәгенән К.‑Көнб. 35 км һәм Аксёнов т. юл ст. К.‑Көнб. табан 59 км алыҫлыҡта Дим й. буйында урынлашҡан. Халҡы: 1906 й. – 361 кеше; 1920 – 471; 1939 – 388; 1959 – 411; 1989 – 309; 2002 – 339 кеше. Башҡорттар йәшәй. Халҡы “Дим” ЯСЙ‑нда эшләй. Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто бар.

Ауылға Нуғай даруғаһы Күл‑Иле‑Мең улусы башҡорттары үҙ ерҙәрендә нигеҙ һала, 1770 й. алып билдәле. Тәүге төпләнеүсе Сафар Тәмәев исеме м‑н аталған. 1795 й. 12 йортта 57 кеше йәшәгән, 1865 й. 62 йортта – 211 кеше. Малс‑ҡ, игенселек м‑н шөғөлләнгәндәр. 1906 й. мәсет, 2 бакалея кибете теркәлгән. М.Ә.Әхмәтшин ошо ауылда тыуған.

Тәрж. Р.Ғ.Ғилманов

Яндекс.Метрика