НОВИКОВА Лилиә Барый ҡыҙы (26.10.1946, Канск ҡ.), невролог. Мед. ф. д‑ры (2000), проф. (2002). РФ‑тың (2007) һәм БР‑ҙың (1997) атҡ. табибы. БДМИ‑ны тамамлағандан һуң (1971) 1974 й. тиклем Өфөнөң 5‑се дауаханаһында эшләй. 1977 й. алып БДМУ‑ла (2001 й. башлап өҫтәлмә проф. белем биреү ин‑тының неврология һәм нейрохирургия каф. мөдире), бер үк ваҡытта 2004 й. алып Баш ҡан тамырҙары үҙәге һәм Инсульт кисергән ауырыуҙарҙы реабилитациялау үҙәге (икеһе лә — Өфө) етәксеһе. 2007 й. башлап БР‑ҙың баш неврологы. Фәнни эшмәкәрлеге баш мейеһенең ҡан тамырҙары ауырыуҙары проблемаларына, неврология ауырыуҙарының экологик һәм генетик аспекттарына, нервы ауырыуҙары м‑н сирләгәндәрҙе шифахана‑курорттарҙа дауалауҙы ойоштороуға арналған. Н. ҡатнашлығында бөйөр синдромлы геморрагик биҙгәк ваҡытында неврологик өҙлөгөүҙәрҙе күҙаллау һәм иҫкәртеү, тарҡау склерозды, инсультты һәм талпан энцефалитын диагностикалау, цереброваскуляр ауырыуҙар м‑н сирләгәндәрҙә артериаль гипертензияны дауалау  ысулдары эшләнә, мейелә ҡан әйләнешенең киҫкен боҙолоуҙары булған ауырыуҙар өсөн Төбәк ҡан тамырҙары үҙәге һәм Ҡала тергеҙеү мед. һәм реабилитацияһы үҙәге (икеһе лә — Өфө) ойошторола. 350‑нән ашыу фәнни хеҙмәт һәм 6 уйлап табыу авторы. Проф. П.Я.Гапонюк ис. пр. лауреаты (2013). 2‑се дәрәжә “Ватан алдында күрһәткән хеҙмәттәре өсөн” орд. миҙалы м‑н бүләкләнгән (2016).

Хеҙм.: Геморрагическая лихорадка с почечным синдромом: актуальные проблемы эпидемиологии, патогенеза, диагностики, лечения и профилактики. Уфа, 2006 (авторҙ.); Нейровизуализация в диагностике острого церебрального инсульта: (атлас исследований). Уфа, 2007 (авторҙ.).

Тәрж. Г.Ҡ.Ҡунафина

Текст на русском языке

Яндекс.Метрика