ӨФӨ ФАНЕР КОМБИНАТЫ, ЯСЙ. Составында ағас‑юнысҡы плиталары, фанер производстволары; автотранспорт, ремонт‑төҙөлөш, ремонт‑механика цехтары; ыҫмала етештереү участкаһы; пар энергияһын файҙаланыу хужалығы бар. 2012 й. 1199 кеше эшләгән. Продукцияһы БР‑ҙа һәм РФ‑тың башҡа төбәктәрендә һатыла, яҡын һәм алыҫ сит илдәргә сығарыла (80%‑тан күберәк). 1935 й. таҡта ярыу (1933 й. файҙаланыуға индерелә) һәм Фанер з‑дтары (1934; икеһе лә — Черниковск ҡ.) берләшкәндән һуң Черниковск фанер комб‑ты булараҡ ойошторола (1941 й. алып авиация фанераһы һәм шпон сығара), 1960 й. башлап Өфө фанер‑мебель комб‑ты (1966 й. тиклем составына Мебель ф‑каһы инә; ҡара: “Башмебель”), 1966 й. хәҙ. исемен ала, 1994 й. алып ААЙ, 1996 й. — “Башлеспром” ААЙ филиалы, 2003 й. хәҙ. статусын йөрөтә. 2012 й. яғыулыҡ брикеттары етештереү үҙләштерелә. Пр‑тие м‑н С.Д.Пономарёв, Г.С. Суворов һ.б. эшмәкәрлеге бәйле.

Тәрж. Ф.Ғ.Ғәлиев

 Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018