ОЛО ЧЕРНИГОВ РАЙОНЫ, Һамар өлкәһенең көньяғында урынлашҡан. 1935 й. ойошторолған. Майҙа‑ ны — 2980 км2. Адм. үҙәге — Оло Чернигов ауылы. Районда 9 ауыл советы, 34 ауыл торама пункты бар. Халҡы — 18,3 мең кеше (2010), ш. иҫ. башҡорттар (ҡара: Ырғыҙ‑Кәмәлек башҡорттары). Башҡорттар тупланып йәшәгән иң ҙур торама пункттар (2002): Диңгеҙбай, Имел, Исток, Кинйәғол, Костино, Ҡасҡын, Үтәкәй, Хәсән, Ырғыҙ. Башҡ. теле мотлаҡ уҡытыла торған предмет булараҡ райондың 3 мәктәбендә өйрәнелә (2013). Ырғыҙ ҡаса‑ баһында — “Ырғыҙ” милли‑мәҙәни үҙәге (1999 й. алып), Ҡасҡын ҡасабаһында — “Тыуған моңдар” фольклор ансамбле, “Ҡыңғырауҙар” хореография ансамбле, Имел а. “Ҡурай” милли берекмәһе эшләй. Һ.Л.Дәүләтшина, Х.Й.Йомағолов, Р.Й.Ҡушаева, Ф.Х.Мостафина, Р.Ниғмәти һ.б. ошо районда тыуған.

Тәрж. Г.М.Ғәлиева

Текст на русском языке

Все права на материалы сайта охраняются в соответствии с законодательством РФ, в том числе об авторском праве и смежных правах.

ГАУН РБ “Башкирская энциклопедия” © 2015—2018